ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަންގެ ފަރާތުން ޑްރަގް ކޯޓުގެ ބޭނުމަށް ތައްޔާރުކޮށްފައިވާ ކޭސް މެނޭޖްމަންޓް ސިސްޓަމް (މެމްސް) ބޭނުންކޮށްގެން ކޯޓުއަމުރު ތައްޔާރުކުރުމުގެ މަސައްކަތް މިއަދު ޑްރަގް ކޯޓުން ފަށައިފިއެވެ. މެމްސް ބޭނުންކުރުމުގެ ކުރިން ޑްރަގް ކޯޓުގައި ކޯޓުއަމުރު ތައްޔާރުކުރަމުންއައީ މައިކްރޯ ސޮފްޓްވޯޑް ބޭނުންކޮށްގެންނެވެ. މެމްސް މެދުވެރިކޮށް އަމުރު ތައްޔާރުކުރަން ފެށުމުގެ ކުރިން ކޯޓަށް ހުށަހެޅޭ މައްސަލަތައް އެންޓްރީ ކުރުމާއި، ރަޖިސްޓްރޭޝަންގެ މަސައްކަތާއި،

މައްސަލަ ބަލާނެ ޤާޟީން ކަނޑައެޅުންފަދަ މުހިއްމު މަސައްކަތްތައްވަނީ މިދިޔަ އަހަރު ފެށިފައެވެ. އަމުރު ތައްޔާރުކުރުމުގައި މެމްސް ބޭނުން ކުރަން ފެށުމާއެކު، ކޯޓުގެ މަސައްކަތް އިތުރަށް ހަލުއިވެގެން ދާނެއެވެ. މިއަދު މޯލްޑްވިސް އީ ކޯޓް މެނޭޖްމަންޓް ސިސްޓަމް ބޭނުންކޮށްގެން ކޯޓުއަމުރު ތައްޔާރުކުރަން ފެށުމާއެކު ކޭސް މެނޭޖްމަންޓް ސޮފްޓްވެއަރއެއް ބޭނުންކޮށްގެން ރާއްޖޭގައި އެންމެ ފުރަތަމަ ފަހަރަށް ކޯޓުއަމުރު ތައްޔާރުކުރަން ފެށި ކޯޓަށް ޑްރަގް ކޯޓުވެފައިވެއެވެ.