ޤާނޫނު ނަންބަރު 2011/17 (މަސްތުވާތަކެއްޗާބެހޭ ޤާނޫނު) ގެ 96 ވަނަ މާއްދާގައި ބަޔާންކޮށްފައިވާ ގޮތުގެ މަތިން ފަރުވާގެ ކަންކަން ހިނގާ ނުހިނގާ ބެލުމަށް، ޑްރަގް ކޯޓުގެ ޤާޟީންނާއި، މުވައްޒަފުންގެ ޓީމެއް 19 އޮގަސްޓް 2024 އިން 19  ސެޕްޓެމްބަރ 2024 އަށް ފަރުވާދޭ މަރުކަޒުތަކަށް ވަނީ ޒިޔާރަތް ކޮށްފައެވެ.

މިގޮތުން ސ.ހިތަދޫ އާއި ޏ.ފުވައްމުލަކުގައި ގާއިމުކޮށްފައިވާ ޑްރަގް ޓްރީޓްމެންޓް އެންޑް ޑިޓޮކްސިފިކޭޝަން ސެންޓަރާއި ސ.ހުޅުމީދޫގައި ގާއިމްކޮށްފައިވާ ވިލުނު ސެންޓަރުގެ އިތުރުން ގއ.ވިލިނގިލީގައި ގާއިމްކުރެވިފައިވާ ދަގެނާ ކޮމިއުނިޓީ ރީހެބިލިޓޭޝަން ސެންޓަރާއި ގދ.ތިނަދޫގައި ގާއިމުކުރެވިފައިވާ ޑްރަގް ޑިޓޮކްސިފިކޭޝަން ކޮމިޔުނިޓީ ރީހެބިލިޓޭޝަން ސެންޓަރަށް ޒިޔާރަތްކޮށްފައިވެއެވެ.

މި ދަތުރުތަކުގައި، މަރުކަޒުތަކުގެ ވެރިންނާއި، މުވައްޒަފުންނާ ބައްދަލުކޮށް، ފަރުވާ ދިނުމުގައި ކުރިމަތިވާ މައްސަލަތަކާއި، ރަނގަޅުކުރަން ހުރި ކަންކަމާ މެދު މަޝްވަރާ ކުރެވިފައިވެއެވެ. މީގެ އިތުރުން، ފަރުވާ ހޯދަމުންދާ ފަރާތްތަކާ ބައްދަލުކޮށް، އެފަރާތްތަކުގެ ފަރުވާގެ ކަންތައްތައް ކުރިއަށްދާ ގޮތް ބަލާފައިވެއެވެ.