ދިވެހިރާއްޖޭގެ ޖުމްހޫރިއްޔާގެ ޤާނޫނު އަސާސީއާއި ޕްރޮސިކިއުޓަރ ޖެނެރަލްގެ ޤާނޫނުގައި ބަޔާންކޮށްފައިވާ ގޮތުގެ މަތިން ޢަޔަން ކުރައްވާފައިވާ ޕްރޮސިކިއުޓަރ ޖެނެރަލެއް ނުވަތަ ޑެޕިއުޓީ ޕްރޮސިކިއުޓަރ ޖެނެރަލެއް މިވަގުތު ނެތުމާއެކު ޖިނާއީ މައްސަލަތަކުގައި ޕްރޮސިކިއުޓަރ ޖެނެރަލްގެ އޮފީހުގެ ނަމުގައި އެއޮފީހުގެ ވަކީލުންނަށް، ޕްރޮސިކިއުޓަރޖެނެރަލްގެ ފަރާތުން ކޯޓުތަކަށް ޙާޟިރުވެވަޑައިގެން ދައުލަތް ތަމްޘީލުކުރެވޭނެ ޤާނޫނީ ހައިޘިއްޔަތެއް މިވަގުތު އޮތްކަމަށް ޤަބޫލުނުކުރެވޭތީ، ކޯޓުތަކަށް ޙާޟިރުވުމަށް ޢުޛުރުވެރިވެވަޑައިގަންނަވާކަމަށް 06 މެއި 2014 ގައި އެއޮފީހުން ޑްރަގް ކޯޓަށް އަންގަވައިފިއެވެ.

ޕްރޮސިކިއުޓަރ ޖެނެރަލްގެ ވަކީލުން ހާޒިރުވެވަޑައިގަތުމަށް ޢުޛުރުވެރިވެވަޑައިގެންފައިވީނަމަވެސް، ކޯޓަށް ހުށަހެޅިފައިވާ މައްސަލަތަކުގެ އިބްތިދާއީ ބައްދަލުވުންތަކާއި، މަސްތުވާތަކެއްޗާބެހޭ ޤާނޫނުގެ 35 ވަނަ މާއްދާގެ (ހ) ގެ 3 ވަނަ ނަންބަރުގައި ބަޔާންކޮށްފައިވާ، ޑްރަގްކޯޓުގެ އިޚްތިޞާޞް ހިނގާ، ޖަލުގައި ޙުކުމްތަންފީޛުކުރަމުންދާ މީހުންގެ މައްސަލަތައް ކޯޓުގައި މިހާރުވެސް ކުރިއަށް ގެންދެއެވެ.