ޑްރަގް ކޯޓުގެ ނަންބަރު 42/DC/2012 ޤަޟިއްޔާގައި ކ.މާލޭ، ހ.ހަންޑްރެޑްފްލާވަރ މުޙައްމަދު ރިޒްވާން ޑްރަގްކޯޓުގެ ފަރުވާ ޕްރޮގްރާމްގައި ބައިވެރިވާފަރާތްތަކުގެ މައްޗަށް ކުރެވޭ ޝަރުޠުތަކާއި ޚިލާފުވުމުން އޭނާ ފަރުވާގެ ޕްރޮގްރާމުން ވަކިކޮށްފިއެވެ. މުޙައްމަދު ރިޒުވާން ފަރުވާގެ ޕްރޮގްރާމް ފުރިހަމަ ކުރުމުގެ ތެރޭގައި މުޙައްމަދު ރިޒުވާންގެ މައްޗަށް ކުރެވުނު ތުހުމަތުތަކާ ގުޅިގެން މޯލްޑިވްސް ޕޮލިސް ސަރވިސްގެ ބެލުމުގެ ދަށަށް ކުށެއްގެ ތުހުމަތުގައި ގެންގޮސް ކޯޓު އަމުރެއްގެ ދަށުން ހައްޔަރު ކޮށްފައިވުމަކީ ޝަރުތުތަކުގެ ގަވާއިދުގެ 9 ވަނަ މާއްދާގެ (ހ) ގައި ބަޔާންކޮށްފައިވާ ގޮތުގެ މަތިން ކުށެއްކުރުން ކަމުގައިވާތީ، މުޙައްމަދު ރިޒުވާންގެ މައްޗަށް ކުރެވުނު ރީހެބިލިޓޭޝަން އަމުރުގައި އިތުރު ކުށެއް ނުކުރުމަށް ކޮށްފައިވާ ޝަރުޠާއި ޚިލާފު ވެއްޖެ ކަމަށް ކަނޑއެޅުނެވެ. ފަރުވާގެ ޕްރޮގްރާމުން ވަކިކުރުމާއެކު، އޭނާގެ މައްޗަށް ކޮށްފައިވާ ރީހެބިލިޓޭޝަން އަމުރު ހުއްޓާލުމަށްފަހު، އޭނާގެ މައްޗަށް ކޮށްފައިވާ ފުރަތަމަ ޙުކުމް ތަންފީޛުކުރުމަށްވެސް ޝަރީޢަތުން އަމުރުކޮށްފައިވެއެވެ.