އޮކްޓޯބަރ 2014 އިން ފެށިގެން ޑްރަގް ކޯޓު ހިންގެވުން ވަގުތީ ގޮތުން މި ކޯޓުގެ ޤާޟީ އަލްއުސްތާޛު ޢަބްދުއްސައްތާރު ޢަބްދުލްޙަމީދުއާ ޙަވާލުކުރައްވައި، ޖުޑީޝަލް ސާރވިސް ކޮމިޝަނުން އެކަން މިއަދު ޑްރަގް ކޯޓަށް އަންގަވައިފިއެވެ.

ކޯޓުތަކަށް ދާއިމީ އިސް ފަނޑިޔާރަކު ހަމަޖެހެންދެން ވަގުތީ ގޮތުން ކޯޓު ހިންގުން ހަވާލުކުރެވޭ ބޭފުޅުން ކޮންމެ 6 މަސްދުވަހަކުން ދައުރުވާ ގޮތަށް ޖޭ.އެސް.ސީން މީގެ ކުރިން ނިންމަވާފައިވާ ގޮތުގެ މަތިން، ޤާޟީ އަލްއުސްތާޛު ޢަބްދުއްސައްތާރު ޢަބްދުލްޙަމީދުއާ ޑްރަގް ކޯޓު ހިންގުން ޙަވާލުކުރައްވާފައިވަނީ

މިއަދުން ފެށިގެން 19 އޭޕްރީލް 2015 ގެ ނިޔަލަށް ނުވަތަ ޑްރަގް ކޯޓަށް އިސްފަނޑިޔާރަކު ހަމަޖެހެންދެނެވެ.

މި އުޞޫލުގެ ދަށުން، ފުރަތަމަ 6 މަސްދުވަސް ވަންދެން ކޯޓު ހިންގެވުމާ ޙަވާލުވެ ހުންނެވީ ޤާޟީ އަލްއުސްތާޛު މުޙައްމަދު ޢީސާފުޅެވެ.