ޑްރަގް ކޯޓުން ފަރުވާގެ ޕްރޮގްރާމުގައި ބައިވެރިކޮށްފައިވާ އިތުރު 02 މީހަކު ފަރުވާގެ ޕްރޮގްރާމު ފުރިހަމަކުރުމާއެކު އެ މީހުންގެ މައްޗަށް ކޮށްފައިވާ ފުރަތަމަޙުކުމް ބާޠިލު ކުރުމަށްފަހު މިނިވަން ކުރުމަށް ކޯޓުން ފަހުގެޙުކުމް ކޮށްފިއެވެ. ފަހުގެޙުކުމް ކުރެވިފައިވަނީ ޅ.ނައިފަރު، ވެލްކަމްގޭޓް މުޙައްމަދު ސަމާޢު އާއި ގދ.ތިނަދޫ، އަލިހަނދުވަރު ޙަސަން ޝަހުމްގެ މައްޗަށެވެ.

މުޙައްމަދު ސަމާޢު ފަރުވާ ޕްރޮގްރާމްގައި ބައިވެރިކޮށްފައިވަނީ 06 ފެބްރުއަރީ 2014 ގައެވެ. ޙަސަން ޝަހުމް ފަރުވާ ޕްރޮގްރާމްގައި ބައިވެރިކޮށްފައިވަނީ 05 މެއި 2014 ގައެވެ.

މުޙައްމަދު ސަމާޢު އާއި ޙަސަން ޝަހުމް ބައިވެރިކޮށްފައިވަނީ ޑްރަގް ޓްރީޓްމަންޓް އެންޑް ރީހެބިލިޓޭޝަން ސެންޓަރުގެ 03 މަސް ދުވަހުގެ ފަރުވާ ޕްރޮގްރާމް ފުރިހަމަ ކުރުމަށްފަހު ކޮމިޔުނިޓީ ރީހެބިލިޓޭޝަން 03 މަސް ދުވަހުގެ ފަރުވާ ޕްރޮގްރާމްގައެވެ.

މުޙައްމަދު ސަމާޢު އާއި ޙަސަން ޝަހުމް ތަންފީޛު ކުރަމުންދިޔަ 03 އަހަރު ދުވަހުގެ މުއްދަތަށްޖަލަށްލުމުގެ ޙުކުމްވެސް ވަނީ ބާޠިލް ކޮށްފައެވެ.