11 އޮކްޓޯބަރު 2020 ވަނަ ދުވަހު ރައީސުލްޖުމްހޫރިއްޔާގެ ނައިބު އަލްފާޟިލް ފައިޞަލް ނަސީމް، ޑްރަގް ކޯޓަށް ވަނީ ޒިޔާރަތެއް ކުރައްވާފައެވެ. އޭގެ އިތުރުން އެމަނިކުފާނުގެ އަރިހުގައި، މިނިސްޓަރ އޮފް ހޯމް އެފައަރޒް އައްޝައިޚް ޢިމްރާން ޢަބްދުﷲ، މިނިސްޓަރ އޮފް ޖެންޑަރ، ފެމިލީ އެންޑް ސޯޝަލް ސަރވިސަސް އަލްފާޟިލާ ޢާއިޝަތު މުޙައްމަދު ދީދީ، މިނިސްޓަރ އެޓް ދަ ޕްރެޒިޑެންޓް އޮފީސް އަލްފާޟިލް އަޙްމަދު ސަމީރު އަދި އަންޑަރ ސެކްރެޓަރީ ޑރ. ޢަބްދުލް މަލިކް ވެސް ޑްރަގް ކޯޓަށް ވަޑައިގެންނެވިއެވެ.

 މި ޒިޔާރަތުގައި، ޑްރަގް ކޯޓުގެ ހުރިހާ ފަނޑިޔާރުންނާ އިސްވެރިންނާއެކު އެމަނިކުފާނު ބައްދަލުވުމެއް ބޭއްވެވިއެވެ. މި ޒިޔާރާތުގެ ބޭނުމަކީ ކޯޓުގެ މަސައްކަތްތައް ހިނގާގޮތް ބެއްލުވުމާއި ކޯޓަށް ދިމާވެފައިވާ ދަތިތަކާ ބެހޭގޮތުން މަޝްވަރާކުރުމެވެ.