މަސްތުވާތަކެއްޗާބެހޭ ޤާނޫނުގެ 35 ވަނަ މާއްދާގެ (ހ)ގެ 3 ވަނަ ނަންބަރުގެ ދަށުން ޑްރަގް ކޯޓުން ބެލުމުގެ އިޚްތިޞާޞް ލިބޭ ޖިނާއީ ކުށެއްގެ ޙުކުމް ތަންފީޛުކުރަމުންދާ މީހެއްގެ މައްޗަށް ޑްރަގް ކޯޓުން ޙުކުމް ކޮށްފިއެވެ. މިއަދު 12:00 ގައި ބޭއްވުނު ޝަރީޢަތުގެ މަޖިލީހުގައި ޙުކުމް އިއްވާފައިވަނީ މާލެ / މ.މެދުރިޔާ، ޖައުފަރު މުޙައްމަދުގެ މައްޗަށެވެ.

މި ޙުކުމުގައި މަސްތުވާތަކެއްޗާބެހޭ ޤާނޫނުގެ 88 ވަނަ މާއްދާގެ (ށ)ގައިވާ ގޮތުގެ މަތިން ޖައުފަރު މުޙައްމަދު މިހާރު ތަންފީޛުކުރަމުންދާ 12 (ބާރަ) އަހަރު ދުވަހުގެ މުއްދަތަށް ޖަލަށް ލުމަށް ކުރެވިފައިވާ ޙުކުމާއި، މިހާރު ތަންފީޛުކުރަމުންދާ ޙުކުމުގެ ފަހުން ދެން ތަންފީޛުކުރަން އޮތް 9 (ނުވައެއް) އަހަރާއި 6 (ހައެއް) މަސްދުވަހުގެ މުއްދަތަށް އަރުވާލުމަށް ކުރެވިފައިވާ ޙުކުމް ތަންފީޛު ނުކޮށް ހިފެހެއްޓުމަށް އަމުރުކޮށްފައިވެއެވެ.