ޑްރަގް ކޯޓު އުފެދުނު ފަހުން 15 އެޕްރީލް 2012 އާއި 19 ޖޫން 2012 އާއި 13 ނޮވެމްބަރ 2012 ގައި ތަކުރާރުކޮށް މޯލްޑިވްސް ޕޮލިސް ސަރވިސްގައި ޑްރަގް ކޯޓަށް ސެކިއުރިޓީ ހަމަޖައްސަވައިދިނުމަށް އެދުމުން ނޮވެމްބަރު 2012 އިން ފެށިގެން ޑްރަގް ކޯޓަށް ސެކިއުރިޓީގެ ޚިދުމަތް ދިނުމަށްފަހު 20 ޖެނުއަރީ 2013 ދުވަހުން ފެށިގެން އެއްވެސް ސަބަބެއް އެންގުމެއް ނެތި ފުލުހުން ޑްރަގް ކޯޓަށް ސެކިއުރިޓީ ދިނުން ހުއްޓާލައިފިއެވެ.

ޑްރަގް ކޯޓަކީ މަސްތުވާތަކެތި ބޭނުންކުރާ މީހުންގެ މައްސަލަތައް ބަލާ ކޯޓަކަށްވާތީއާއި، ޑްރަގް ކޯޓަށް ޙާޟިރުކުރެވޭ ފަރާތްތަކަށް މަސްތުވާތަކެތި ދިނުމުގެ ޢަމަލުތައް ތަޖުރިބާކުރަންޖެހިފައި ވުމުގެ އިތުރުން ޑްރަގް ކޯޓުން ހިންގާ ފަރުވާގެ ޕްރޮގްރާމުތައް ކާމިޔާބުކުރުމުގައި ފުލުހުންގެ ސެކިއުރިޓީ ނުލިބުމަކީ ޑްރަގް ކޯޓުން ކަންބޮޑުވާ ކަމަކަށްވާތީ ދިވެހިރާއްޖޭގެ އުއްތަމަ ފަނޑިޔާރުގެ ސަމާލުކަމަށް މިކަން ގެނެވިފައިވެއެވެ.

ކޯޓުތަކުގެ ސަލާމަތީ ކަންތައްތައް ބެލެހެއްޓުމަކީ ޤާނޫނު ނަންބަރު 2010/22 (ދިވެހިރާއްޖޭގެ ކޯޓުތަކުގެ ޤާނޫނު)ގެ 95 ވަނަ މާއްދާގެ ދަށުން ދައުލަތުގެ ސަލާމަތީ ބާރުތަކުގެ ޒިންމާއެކެވެ.