ޑްރަގް ކޯޓުގެ ރީހެބިލިޓޭޝަން އަމުރުގެ ދަށުން އިތުރު މީހަކު ފަރުވާފުރިހަމަކުރުމާއެކު، މަސްތުވާތަކެއްޗާބެހޭ ޤާނޫނުގެ 85 ވަނަ މާއްދާގެ ދަށުން މިއަދު އެމީހުންގެ މައްޗަށް ފަހުގެ ޙުކުމްކޮށްފިއެވެ. މިއަދު ފަހުގެ ޙުކުމްކުރެވުނު މީހުންނަކީ ނޭޝަނަލް ޑްރަގް އެޖެންސީގެ ކޮމިއުނިޓީ ސަރވިސް ސެންޓަރުން ހިންގި 06 މަސްދުވަހުގެ ކޮމިއުނިޓީ ފަރުވާގެ ޕްރޮގްރާމްގައި ބައިވެރިވެ ރީހެބިލިޓޭޝަން އަމުރާ އެއްގޮތަށް ފަރުވާ ފުރިހަމަކޮށްފައިވާ ދެ މީހުންނެވެ.

  މަސްތުވާތަކެއްޗާބެހޭ ޤާނޫނުގެ ދަށުން ފަހުގެ ޙުކުމްކުރާއިރު، ފަރުވާހޯދާފަރާތުގެ މައްޗަށް ކޮށްފައިވާ ފުރަތަމަ ޙުކުމް ބާޠިލުކުރަންޖެހޭތީ، މިއަދު ފަހުގެ ޙުކުމްކޮށްފައިވާ ފަރާތްތަކުގެ މައްޗަށް ކޮށްފައިވާ ފުރަތަމަ ޙުކުމް (ޖަލަށްލުމުގެ ޙުކުމް) ބާޠިލުކުރުމާއެކު އެއްވެސް ޝަރުޠަކާ ނުލައި ފަރުވާފުރިހަމަކުރި ފަރާތްތައް މިނިވަންކުރުމަށް މިއަދު ޙުކުމްކޮށްފައިވެއެވެ. މި ދެމީހުންގެ މައްޗަށް ފަހުގެ ޙުކުމްކުރެވުމާއެކު، ފަހުގެ ޙުކުމްކުރެވުނު މީހުންގެ ޢަދަދު 05 އަށް އިތުރުވެފައިވެއެވެ.