ނޭޝަނަލް ޑްރަގް އޭޖެންސީ މެދުވެރިކޮށް މިކޯޓަށް ހުށައެޅުނު މައްސަލައެއްގެ ދަށުން މިކޯޓުގެ ފަރުވާގެ ޕްރޮގްރާމް ފުރިހަމަ ކުރަމުންދިޔަ ފަރާތެއް ކަމުގައިވާ ޏ.ފުވައްމުލައް/ އަންދަލީބުގެ ނަޝީދު މޫސާ ފަރުވާގެ ޕްރޮގްރާމުން މިއަދު ވަކިކުރެވިއްޖެއެވެ. ފަރުވާގެ ޕްރޮގްރާމުން ނަޝީދު މޫސާ ވަކިކުރެވިފައިވަނީ ފަރުވާގެ ޕްރޮގްރާމުގައި ހިމެނޭ ކުލާސްތަކަށް ހާޒިރުނުވެ ފަރުވާއަށް އެބާރުލުން ނުދިނުމުގެ ސަބަބުންނެވެ.

ނަޝީދު މޫސާގެ ފަރުވާގެ ޕްރޮގްރާމް ހުއްޓާލުމާއެކު، ޑްރަގް ކޯޓުގެ ނަންބަރު 364/DC/2012 ޤަޟިއްޔާގައި އޭނާގެ މައްޗަށް ކޮށްފައިވާ ފުރަމަތަ ޙުކުމް ތަންފީޛުކުރުމަށްޓަކައި މިހާރުވަނީ ޑިޕާޓްމަންޓް އޮފް ޕެނިޓެންޝަރީ އެންޑް ރީހެބިލިޓޭޝަން ސަރވިސަސްއާ ޙަވާލުކުރެވިފައެވެ. ފުރަތަމަ ޙުކުމުގެ ގޮތުން ނަޝީދު މޫސާ ތަންފީޛުކުރަމުންދިޔަ ދެ ޙުކުމެއް ތަންފީޛުކުރުން ފަސްކުރެވިފައިވެއެވެ. އެ ދެ ޙުކުމުގެ ދަށުން އޭނާ މުޅިއެކު 18 އަހަރު ޖަލުގައި ޙުކުމް ތަންފީޛުކުރަންޖެހޭނެއެވެ. ނަޝީދު މޫސާ ފަރުވާ ފުރިހަމަކުރިނަމަ، މި ޙުކުމްތަކަކީ މަސްތުވާތަކެއްޗާބެހޭ ޤާނޫނުގެ 85 ވަނަ މާއްދާގެ ދަށުން ބާޠިލްކުރެވޭނެ ޙުކުމްތަކެކެވެ.

 އަމުރުގެ ތަފްސީލް ރިޕޯރޓް