ދަޢުލަތުގެ ފަރާތުން ޑްރަގް ކޯޓަށް ހުށަހެޅުނު މައްސަލައެއްގެ ދަށުން މިކޯޓުގެ ފަރުވާގެ ޕްރޮގްރާމް ފުރިހަމަ ކުރަމުންދިޔަ ފަރާތެއް ކަމުގައިވާ މ.މިރުސްގަސްދޮށުގެ، މުޙައްމަދު ޡަރީފް ފަރުވާގެ ޕްރޮގްރާމުން 2013 ޖުލައި 07 ވަނަ ދުވަހު ވަކިކުރެވިއްޖެއެވެ. ފަރުވާގެ ޕްރޮގްރާމުން މުޙައްމަދު ޡަރީފް ވަކިކުރެވިފައިވަނީ ފަރުވާއަށް އެއްބާލުން ނުދިނުމުގެ ސަބަބުންނެވެ.

މުޙައްމަދު ޡަރީފްގެ ފަރުވާގެ ޕްރޮގްރާމް ހުއްޓާލުމާއެކު، ޑްރަގް ކޯޓުގެ ނަންބަރު 50/DC/2012 ޤަޟިއްޔާގައި އޭނާގެ މައްޗަށް ކޮށްފައިވާ ފުރަތަމަ ޙުކުމް ތަންފީޛުކުރުމަށްޓަކައި މިހާރުވަނީ ޑިޕާޓްމަންޓް އޮފް ޕެނިޓެންޝަރީ އެންޑް ރީހެބިލިޓޭޝަން ސަރވިސަސް އާ ޙަވާލުކުރެވިފައެވެ. ފުރަތަމަ ޙުކުމުގެ ގޮތުން މުޙައްމަދު ޡަރީފް ތަންފީޛުކުރަމުންދިޔަ މަނާކުރެވިފައިވާ މަސްތުވާއެއްޗެއް ބޭނުންކުރުމުގެ ކުށް ސާބިތުވުމާގުޅިގެން ޑްރަގް ކޯޓުގެ ނަންބަރު 50/DC/2012 ޤަޟިއްޔާގައި އޭނާގެ މައްޗަށް ކުރެވިފައިވާ 03 (ތިނެއް) އަހަރު ދުވަހަށް ޖަލަށްލުމުގެ ޙުކުމް ހިފެހެއްޓިފައިވެއެވެ. މުޙައްމަދު ޡަރީފް ފަރުވާ ފުރިހަމަކުރިނަމަ، މި ޙުކުމަކީ މަސްތުވާތަކެއްޗާބެހޭ ޤާނޫނުގެ 85 ވަނަ މާއްދާގެ ދަށުން ބާޠިލްކުރެވޭނެ ޙުކުމެކެވެ.

އަމުރުގެ ތަފްސީލް ރިޕޯރޓް