ޑްރަގް ކޯޓުގެ ރީހެބިލިޓޭޝަން އަމުރުގެ ދަށުން ފަރުވާފުރިހަމަކުރުމާއެކު، މަސްތުވާތަކެއްޗާބެހޭ ޤާނޫނުގެ 85 ވަނަ މާއްދާގެ ދަށުން ގދ.ރަތަފަންދޫ، ރޯޒްވިލާ، ފައިޞަލް ޝަރީފްގެ މައްޗަށް ފަހުގެ ޙުކުމް  މިއަދު ކޮށްފިއެވެ.  ފައިޞަލް ޝަރީފްއަކީ ނޭޝަނަލް ޑްރަގް އެޖެންސީގެ ކޮމިއުނިޓީ ސަރވިސް ސެންޓަރުން ހިންގި  06 މަސްދުވަހުގެ ކޮމިއުނިޓީ ފަރުވާގެ ޕްރޮގްރާމްގައި ބައިވެރިވެ ރީހެބިލިޓޭޝަން އަމުރާ އެއްގޮތަށް ފަރުވާ ފުރިހަމަކޮށްފައިވާ މީހެކެވެ.

ފައިޞަލް ޝަރީފް ފަރުވާގެ ޕްރޮގްރާމު ފުރިހަމަކުރުމާއެކު އޭނާގެ ފުރަތަމަ ޙުކުމުގެ ގޮތުގައި ހިފެހެއްޓިފައިވާ 06 (ހައެއް) އަހަރަށް ޖަލަށްލުމުގެ ޙުކުމްވަނީ ޑްރަގް ކޯޓުން ބާޠިލްކޮށްފައެވެ. ފައިޞަލް ޝަރީފްގެ މައްޗަށް ފަހުގެ ޙުކުމްކުރެވުމާއެކު، ޑްރަގް ކޯޓުގެ ފަރުވާގެ ޕްރޮގްރާމު ކާމިޔާބުކަމާއެކު ފުރިހަމަކުރި މީހުންގެ ޢަދަދު 11 އަށް އިތުރުވެފައިވެއެވެ