ޑްރަގް ކޯޓުގައި ގާއިމުކުރެވިފައިވާ ވީޑިއޯ ކޮންފަރެންސް ނިޒާމަށް އަންގާރަ ދުވަހު ދިމާވި ފަންނީ މައްސަލަ މިއަދު ޙައްލުކުރެވިއްޖެއެވެ. މި މައްސަލަ ހައްލުކޮށްފައިވަނީ ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަންގެ ފަރާތުން ކަމާބެހޭ އެހެން އިދާރާތަކާއެކު ކުރެވުނު މަސައްކަތުންނެވެ.

ވީޑިއޯ ކޮންފަރެންސް ނިޒާމަށް ކުރިމަތިވި މައްސަލަ ޙައްލުކުރެވުމާއެކު، ޑްރަގް ކޯޓާއި މާފުށީ މެޖިސްޓްރޭޓް ކޯޓާދެމެދު ވީޑިއޯ ކޮންފަރެންސް މެދުވެރިކޮށް ކުރިއަށް ގެންދިއުމަށް ހަމަޖެހިފައިވާ ހުރިހާ އަޑުއެހުންތަކެއް ކުރިއަށްދާނެއެވެ. އަދި އަންގާރަ ދުވަހުން ފެށިގެން މައްސަލަ ޙައްލުވުމާ ހަމައަށް ކެންސަލްކުރެވިއިވާ އަޑުއެހުންތައް އަލުން ތާވަލު ކުރުމަށްފަހު އެ އަޑުއެހުންތައްވެސް ކުރިއަށް ގެންދެވޭނެއެވެ.