ޑްރަގް ކޯޓުގެ ރީހެބިލިޓޭޝަން އަމުރުގެ ދަށުން އިތުރު މީހަކު ފަރުވާފުރިހަމަކުރުމާއެކު، މަސްތުވާތަކެއްޗާބެހޭ ޤާނޫނުގެ 85 ވަނަ މާއްދާގެ ދަށުން މ. މަޑުވިލު ޙަސަން ޢަލީގެ މައްޗަށް ފަހުގެ ޙުކުމް މިދިޔަ ހޯމަދުވަހު ކޮށްފިއެވެ. ޙަސަން ޢަލީއަކީ ނޭޝަނަލް ޑްރަގް އެޖެންސީގެ ކޮމިއުނިޓީ ސަރވިސް ސެންޓަރުން ހިންގި 06 މަސްދުވަހުގެ ކޮމިއުނިޓީ ފަރުވާގެ ޕްރޮގްރާމްގައި ބައިވެރިވެ ރީހެބިލިޓޭޝަން އަމުރާ އެއްގޮތަށް ފަރުވާ ފުރިހަމަކޮށްފައިވާ މީހެކެވެ.

ފަރުވާފުރިހަމަކުރުމާއެކު، އޭނާގެ މައްޗަށް ކެނެބިސް ބޭނުންކުރުމުގެ ކުށް ސާބިތުވި ޙުކުމް (ފުރަތަމަ ޙުކުމް) ބާޠިލުކުރުމަށް ކޯޓުން ވަނީ ޙުކުމް ކޮށްފައެވެ. ޙަސަން ޢަލީގެ މައްޗަށް ފަހުގެ ޙުކުމްކުރެވުމާއެކު، ފަހުގެ ޙުކުމްކުރެވުނު މީހުންގެ ޢަދަދު 11 އަށް އިތުރުވެފައިވެއެވެ.

އަމުރުގެ ތަފްސީލް ރިޕޯރޓް