ޑްރަގް ކޯޓުގެ ރީހެބިލިޓޭޝަން އަމުރުގެ ދަށުން ފަރުވާފުރިހަމަކުރުމާއެކު، މަސްތުވާތަކެއްޗާބެހޭ ޤާނޫނުގެ 85 ވަނަ މާއްދާގެ ދަށުން ކ.މާލެ، މ.މެދުރިޔާ، ޖަޢުފަރު މުޙައްމަދުގެ މައްޗަށް ފަހުގެ ޙުކުމް  މިއަދު ކޮށްފިއެވެ. 

ޖަޢުފަރު މުޙައްމަދަކީ ނޭޝަނަލް ޑްރަގް އެޖެންސީގެ ފަރާތުން ހިންގާ ޑްރަގް ޓްރީޓްމަންޓް އެންޑް ރީހެބިލިޓޭޝަން ސެންޓަރުގެ ފަރުވާ އާއި ކޮމިއުނިޓީ ސަރވިސް ސެންޓަރުން ހިންގި  03 މަސްދުވަހުގެ ކޮމިއުނިޓީ ފަރުވާގެ ޕްރޮގްރާމްގައި ބައިވެރިވެ ރީހެބިލިޓޭޝަން އަމުރާ އެއްގޮތަށް ފަރުވާ ފުރިހަމަކޮށްފައިވާ މީހެކެވެ.

ޖަޢުފަރު މުޙައްމަދު ފަރުވާގެ ޕްރޮގްރާމު ފުރިހަމަކުރުމާއެކު އޭނާގެ ފުރަތަމަ ޙުކުމުގެ ގޮތުގައި ހިފެހެއްޓިފައިވާ 12 (ބާރަ) އަހަރަށް ޖަލަށްލުމުގެ ޙުކުމްގެ އިތުރުން 09 (ނުވައެއް) އަހަރާއި 06 (ހައެއް) މަސްދުވަހުގެ މުއްދަތަށް ޖަލަށްލުމުގެ ޙުކުމް ޑްރަގް ކޯޓުން ބާޠިލްކޮށްފައެވެ.

ޖަޢުފަރު މުޙައްމަދުގެ މައްޗަށް ފަހުގެ ޙުކުމްކުރެވުމާއެކު، ޑްރަގް ކޯޓުގެ ފަރުވާގެ ޕްރޮގްރާމު ކާމިޔާބުކަމާއެކު ފުރިހަމަކުރި މީހުންގެ ޢަދަދު ވަނީ 13 އަށް އިތުރުވެފައިވެއެވެ

ޙުކުމުގެ ތަފްސީލް ރިޕޯރޓް