ޑްރަގް ކޯޓުގެ ރީހެބިލިޓޭޝަން އަމުރުގެ ދަށުން އިތުރު މީހަކު ފަރުވާ ފުރިހަމަކުރުމާއެކު، މަސްތުވާތަކެއްޗާބެހޭ ޤާނޫނުގެ 85 ވަނަ މާއްދާގެ ދަށުން ކ.ކާށިދޫ ހަނދުވަރީގެ މުޙައްމަދު މުސްޠަފާގެ މައްޗަށް ފަހުގެ ޙުކުމް މިއަދު ކޮށްފިއެވެ. މުޙައްމަދު މުސްޠަފާއަކީ ނޭޝަނަލް ޑްރަގް އެޖެންސީގެ ކޮމިއުނިޓީ ސަރވިސް ސެންޓަރުން ހިންގި 06 މަސްދުވަހުގެ ކޮމިއުނިޓީ ފަރުވާގެ ޕްރޮގްރާމްގައި ބައިވެރިވެ ރީހެބިލިޓޭޝަން އަމުރާ އެއްގޮތަށް ފަރުވާ ފުރިހަމަކޮށްފައިވާ މީހެކެވެ.

ފަރުވާ ފުރިހަމަކުރުމާއެކު، އޭނާގެ މައްޗަށް ޖަދުވަލު 1 ގައިވާ މަސްތުވާއެއްޗެއް ބޭނުންކުރުމުގެ ކުށް ސާބިތުވި ޙުކުމް (ފުރަތަމަ ޙުކުމް) ބާޠިލުކުރުމަށް ކޯޓުން ވަނީ ޙުކުމް ކޮށްފައެވެ. މުޙައްމަދު މުސްޠަފާގެ މައްޗަށް ފަހުގެ ޙުކުމްކުރެވުމާއެކު، ފަހުގެ ޙުކުމްކުރެވުނު މީހުންގެ ޢަދަދު 14 އަށް އިތުރުވެފައިވެއެވެ.