މ.ކޮކާހަނދުވަރުގެ ޢަލީ އަމްނު މުޙައްމަދުގެ މައްޗަށް ޕްރޮސިކިއުޓަރ ޖެނެރަލްގެ އޮފީހުން ދަޢުވާކުރި މައްސަލައިގެ ދަށުން އޭނާ ބައިވެރިކޮށްފައިވާ ފަރުވާގެ ޕްރޮގްރާމު ފުރިހަމަކުރުމުގެ ތެރޭގައި ކުޑަކަމުދާތަކެތި ތަޙްލީލުކުރުމަށް ބޭނުންކުރާ ކަޕަށް ފެންއަޅާފައިވާތީއާއި، ފަރުވާގެ މުއްދަތުގައި މަސްތުވާތަކެތި ބޭނުންކޮށްފައިވާތީ، ޢަލީ އަމްނު މުޙައްމަދުގެ މައްޗަށް ކޮށްފައިވާ ރީހެބިލިޓޭޝަން އަމުރުގެ ދަށުން ބައިވެރިކޮށްފައިވާ ފަރުވާގެ ޕްރޮގްރާމު ހުއްޓާލުމަށް މިއަދު ޑްރަގް ކޯޓުން އަމުރުކޮށްފިއެވެ.

މި އަމުރާއެކު ޑައިމޯފިން ޕެޑްލް ކުރުމުގެ ކުށް ސާބިތުވުމާގުޅިގެން އޭނާގެ މައްޗަށް ތަންފީޛުކުރުން ހިފަހައްޓާފައިވާ 05 އަހަރު ދުވަހުގެ މުއްދަތަށް ޖަލަށްލުމާއެކު 15000 ޖޫރިމަނާކުރުމަށް ކޮށްފައިވާ ޙުކުމް ތަންފީޛުކުރުމަށްޓަކައި މިހާރުވަނީ ޑިޕާޓްމަންޓް އޮފް ޕެނިޓެންޝަރީ އެންޑް ރީހެބިލިޓޭޝަން ސަރވިސަސްއާ ޙަވާލުކުރެވިފައެވެ.