ޑްރަގް ކޯޓުގެ ފަރުވާގެ ޕްރޮގްރާމުގައި ބައިވެރިކޮށްފައިވާ ހ.ރެދަން ޢަލީ ޝަރީފު މިއަދު ފަރުވާގެ ޕްރޮގްރާމުން ވަކިކޮށްފިއެވެ. އޭނާ ވަކި ކޮށްފައިވަނީ ރީހެބިލިޓޭޝަން އަމުރުގައި ބަޔާންކޮށްފައިވާ ގޮތަށް ފަރުވާގެ ޕްރޮގްރާމު ފުރިހަމަކޮށްފައިނުވާތީއެވެ. ޢަލީ ޝަރީފު ރީހެބިލިޓޭޝަން އަމުރުގެ ދަށުން ފަރުވާދޭ މަރުކަޒުގައި ސޮއިކުރަންޖެހޭ 50 ދުވަހުގެ ތެރެއިން ސޮއިކޮށްފައިވަނީ 06 ދުވަހު ކަމަށާށާއި،

ފުރިހަމަކުރަންޖެހޭ 20 ކުލާހުގެ ތެރެއިން ޙާޟިރުވެފައިވަނީ 02 ކުލާހަށްކަމަށާއި، ފަރުވާ ފެށުނު ފަހުން އޭނާގެ ކުޑަކަމުދާތަކެތި ނެގިފައިނުވާކަމަށް ފަރުވާއިން ވަކިކުރި އަމުރުގައި ބަޔާންކޮށްފައިވެއެވެ. އަލީ ޝަރީފުގެ ފަރުވާ ޕްރޮގްރާމު ހުއްޓާލުމާއެކު އޭނާގެ މައްޗަށް ކޮށްފައިވާ 03 އަހަރު ދުވަހުގެ ޖަލު ޙުކުމް ތަންފީޛުކުރުމަށް ޑިޕާޓްމަންޓް އޮފް ޕެނިޓެންޝަރީ އެންޑް ރީހެބިލިޓޭޝަން ސަރވިސަސްއާ ޙަވާލުކުރެވިފައެވެ.

ޙުކުމުގެ ތަފްސީލް ރިޕޯރޓް