އޮކްޓޫބާރ
2013
ފަރުވާގެ ޕްރޮގްރާމް ފުރިހަމަކޮށް ފަހުގެ ޙުކުމާއި އެކު އިތުރު މީހަކު މިނިވަންވެއްޖެ
އިއްޔެ ޑްރަގް ކޯޓުން ފަރުވާގެ ޕްރޮގްރާމް ފުރިހަމަކުރި ފަރާތަކަށް ފަހުގެ ޙުކުމް ކުރެވުމާއެކު އެއްވެސް ޝަރުތެއް ނެތި މިނިވަންކޮށްފިއެވެ.އިއްޔެ ފަރުވާގެ ޕްރޮގްރާމު ފުރިހަމަކޮށްފައިވާ އއ.ރަސްދޫ/ ކާރނޭޝަންމާގެ އަޙުމަދު މުޙައްމަދުގެ މައްޗަށް ދައުލަތުން ކޮށްފައިވަނީ މަނާކުރެވިފައިވާ މަސްތުވާއެއްޗެއް ބޭނުންކުރުމާއި އަތުގައި ބެހެއްޓުމާއި ، ބޭހުގެ ގޮތުގައި ބޭނުންކުރެވޭ މަސްތުވާއެއްޗެއް ބޭނުންކުރުމަށްޓަކައި އަތުގައި ބެހެއްޓުމުގެ ކުށުގެ ދަޢުވާއެވެ.
އަދި މިދަޢުވާ އާއި ގުޅިގެން ޑްރަގް ކޯޓުން 03 އަހަރުދުވަހުގެ މުއްދަތަށް އަޙްމަދު މުޙައްމަދު ޖަލަށް ލުމަށް ޙުކުމްކޮށް އޭނާގެ މައްޗަށް ރީހެބިލިޓޭޝަން އަމުރެއް ކޮށްފައިވެއެވެ.
އަޙުމަދު މުޙައްމަދުގެ މައްޗަށް ޑްރަގްކޯޓުން ކޮށްފައިވާ ރިހިބިލިޓޭޝަން އަމުރުގައިވާ ގޮތުގެ މަތިން އަޙްމަދު މުޙައްމަދު ކ.ހިންމަފުށީގައި ހިންގާ ޑްރަގް ރިހިބިލިޓޭޝަން ސެންޓަރުގެ ފަރުވާ ފުރިހަމަކުރުމަށްފަހު ކޮމިއުނިޓީ ސަރވިސް ސެންޓަރުގެ ފަރުވާ ފުރިހަމަކޮށްފައެވެ.