ނޮވެންބާރ
2003
ތިން އުސޫލެއް ތަޢާރަފުކޮށް ޢަމަލުކުރަން ފަށައިފި
ޑްރަގް ކޯޓުން ފަރުވާގެ ޕްރޮގްރާމުގައި ބައިވެރިކޮށްފައިވާ އިތުރު 04 މީހަކު އެ މީހުން ބައިވެރިކޮށްފައިވާ ފަރުވާގެ ޕްރޮގްރާމު ފުރިހަމަކުރުމާއެކު އެ މީހުންގެ މައްޗަށް ކޮށްފައިވާ ފުރަތަމަ ޙުކުމް ބާޠިލުކުރުމަށްފަހު މިނިވަންކުރުމަށް މިއަދު ކޯޓުން ފަހުގެޙުކުމްކޮށްފިއެވެ. މިއަދު ފަހުގެ ޙުކުމް ކުރެވިފައިވަނީ ޅ.ހިންނަވަރު، ފްލާވާރސް އިބްރާހީމް އާދަމް (މާކޮއްކޮއިބްރާހީމް)އާއި ގ.ނާޝިދުވިލާ ޙުސައިން ނާޡިމްއާއި މއ.ނައިލޯނުގެ ޢަބްދުﷲ ޝަރީފްއާއި ކ.ދިއްފުށި، ހިޔާވަހި އަޙްމަދު ޖުނައިދުގެ މައްޗަށެވެ.
މި މީހުންގެ ތެރެއިން ޢަބްދުﷲ ޝަރީފް ތަންފީޛުކުރަމުންދިޔަ 25 އަހަރަށް ޖަލަށްލުމުގެ ޙުކުމާއި، އަޙްމަދު ޖުނައިދު ތަންފީޛުކުރަމުންދިޔަ 22 އަހަރަށް ޖަލަށްލުމުގެ ޙުކުމް ބާޠިލުކުރުމުގެ އިތުރުން އިބްރާހީމް އާދަމް އާއި ޙުސައިން ނާޡިމްގެ މައްޗަށް ޑްރަގް ކޯޓުން ކޮށްފައިވާ 03 އަހަރު ދުވަހުގެ މުއްދަތަށް ޖަލަށްލުމުގެ ޙުކުމްވެސް ވަނީ ބާޠިލްކުރެވިފައެވެ.