ސަރުކާރުގެ ފަރާތުން ފާހަގަކުރާ ގައުމީ އެއްބައިވަންތަކަމުގެ ދުވަސް ޑްރަގް ކޯޓުން ފާހަގަ ކޮށްފިއެވެ. މި ދުވަސް ފާހަގަކުރުމުގެ ގޮތުން މިއަދު 09:20 ގައި ޑްރަގް ކޯޓުގެ ފަނޑިޔާރުންނާއި މުވައްޒަފުންވަނީ ކޯޓުން ބޭރަށް ނުކުމެ އެއް މިނެޓްގެ ޚާއްޞަ ސުކޫތުގައި ބައިވެރިވެފައެވެ. ގައުމީ އެއްބައިވަންތަކަމުގެ ދުވަހަކީ 2004 ވަނަ އަހަރު ޑިސެމްބަރ 26 ވަނަ ދުވަހު ކުރިމަތިވި ސުނާމީ ކާރިސާއާ ގުޅިގެން ފާހަގަކުރަމުން އަންނަ ދުވަހެކެވެ.