މިދިރާސާއަކީ ޑްރަގް ކޯޓުގެ އިޚްތިޞާޞް ހިނގާމީހުންގެ ކުށުގެ ރެކޯޑުގެ ދިރާސާއެކެވެ. މި ދިރާސާކުރެވިފައިވަނީ، މަސްތުވާތަކެތި ބޭނުންކުރާ މީހުންނަކީ، ތަފާތު ގިނަ ޖިނާއީ ކުށްތަކުގެ ޙުކުމްތަކެއް ތަންފީޛުކުރަންޖެހިފައިވާ ބަޔަކަށްވާއިރު، މަސްތުވާތަކެއްޗާބެހޭ ޤާނޫނުގައި އެކަށައަޅާފައިވާ ފަރުވާގެ ނިޒާމުގެ ތެރެއިން ޑްރަގް ކޯޓުގެ އިޚްތިޞާޞް ހިނގާމީހުން އަނބުރާ މުޖުތަމަޢަށް ގެނައުމުގައި އެ މީހުން ތަންފީޛުކުރަންޖެހޭ ޙުކުމްތަކުގެ ސަބަބުން ކުރިމަތިވެދާނެ ގޮންޖެހުންތައް ދެނެގަތުމުގެ ބޭނުމުގައެވެ.

މި ދިރާސާގައި ބޭނުންކުރެވިފައިވަނީ ޑްރަގް ކޯޓުން އެންމެ ފުރަތަމަ ރީހެބިލިޓޭޝަން އަމުރުކުރެވުނު 200 މީހުންގެ ކުށުގެ ރެކޯޑެވެ. މި ރެކޯޑުތަކާއި، މަސްތުވާތަކެއްޗާބެހޭ ޤާނޫނުގެ ދަށުން ލިބޭ ލުއިތައް (ޑްރަގް ކޯޓުގެ ޙުކުމް ތަންފީޛުކުރަން ނުޖެހުމާއި، ތަންފީޛުކުރަމުންދާ ޙުކުމްތައް ހިފެހެއްޓުން) ފަރުވާހޯދާ ފަރާތްތަކަށް ދިނުމަށްފަހުވެސް އިތުރަށް ތަންފީޛުކުރަންޖެހޭ ޙުކުމްތަކުގެ އަދަދުތަކާއި، ދިރާސާގައި ބޭނުންކުރެވުނު މީހުންގެ މައްޗަށް ގިނައިން ސާބިތުވެފައި ހުރި ކުށްތަކާއި މަދުން ސާބިތުވެފައި ހުރި ކުށްތަކުގެ ތަފްސީލު މި ދިރާސާއިން އެނގިގެންދާނެއެވެ.

ޑައުންލޯޑް ދިރާސާ ރިޕޯޓު