ޤާނޫނު ނަންބަރު 2011/17 (މަސްތުވާތަކެއްޗާބެހޭ ޤާނޫނު)ގެ 46 ވަނަ މާއްދާގައިވާ ގޮތުގެ މަތިން، ނޭޝަނަލް ޑްރަގް ކޮންޓްރޯލް ކައުންސިލް (އެން.ޑީ.ސީ.ސީ) އަށް ހުށަހަޅަންޖެހޭ ރިޕޯޓު މިއަދު އެ ކައުންސިލަށް ޑްރަގް ކޯޓުން ހުށަހަޅައިފިއެވެ.

މި ރިޕޯޓުގައި ހިމެނިފައިވާނީ، މަސްތުވާތަކެއްޗާބެހޭ ޤާނޫނުގެ 46 ވަނަ މާއްދާގައި ބުނެފައިވާ ކަންކަމެވެ. މިގޮތުން ކޯޓަށް ހުށަހެޅުނު މައްސަލަތަކުގެ ތަފްސީލާއި، މައްސަލަތައް ނިމުނު ގޮތާއި، ބާވަތްތަކާއި، ފަރުވާ ފުރިހަމަކުރި މީހުންނާއި ފުރިހަމަ ނުކުރާ މީހުންގެ ތަފްސީލާއި، މައްސަލަ ނިންމުމަށް ހޭދަވެފައިވާ ވަގުތުގެ އިތުރުން އިދާރީ ގޮތުން ހުރި ދަތިތައް ފާހަގަ ކޮށްފައިވާނެއެވެ.