ޑްރަގް ކޯޓުން ފަރުވާގެ ޕްރޮގްރާމުގައި ބައިވެރިކޮށްފައިވާ އިތުރު 03 މީހަކު އެ މީހުން ބައިވެރިކޮށްފައިވާ ފަރުވާގެ ޕްރޮގްރާމު ފުރިހަމަކުރުމާއެކު އެ މީހުންގެ މައްޗަށް ކޮށްފައިވާ ފުރަތަމަ ޙުކުމް ބާޠިލު ކުރުމަށްފަހު މިނިވަން ކުރުމަށް ކޯޓުން ފަހުގެ ޙުކުމް ކޮށްފިއެވެ. މިއަދު ފަހުގެ ޙުކުމް ކުރެވިފައިވަނީ ސ.މީދޫ ގްލޯރީ، މުޙައްމަދު ޝައްމާސް އާއި ޏ.ފުވައްމުލައް ޖޭމުމާގޭ، މުޙައްމަދު ޞާލިޙް އާއި މ.ލޯކުރީ، އަޙްމަދު ނާޢިމްގެ މައްޗަށެވެ.

މީގެތެރެއިން މުޙައްމަދު ޝައްމާސް ފަރުވާ ޕްރޮގްރާމްގައި ބައިވެރިކޮށްފައިވަނީ 30 އޭޕްރީލް 2013 ގައެވެ. މުޙައްމަދު ޞާލިޙް ބައިވެރިކޮށްފައިވަނީ 14 މާރޗް 2013 ގައެވެ. އަދި އަޙްމަދު ނާޢިމް ބައިވެރިކޮށްފައިވަނީ 29 ޖަނަވަރީ 2013 ގައެވެ.

މުޙައްމަދު ޝައްމާސް އާއި މުޙައްމަދު ޞާލިހް ބައިވެރިކޮށްފައިވަނީ ޑްރަގް ޓްރީޓްމަންޓް އެންޑް ރީހެބިލިޓޭޝަން ސެންޓަރުގެ 03 މަހުގެ ފަރުވާ އާއި ކޮމިޔުނިޓީ ރީހެބިލިޓޭޝަން 03 މަހުގެ ފަރުވާ ޕްރޮގްރާމްގައެވެ. އަދި އަޙްމަދު ނާޢިމް ބައިވެރިކޮށްފައިވަނީ ކޮމިޔުނިޓީ ރީހެބިލިޓޭޝަން 06 މަސް ދުވަހުގެ ފަރުވާ ޕްރޮގްރާމްގައެވެ.

މުޙައްމަދު ޝައްމާސް ތަންފީޛު ކުރަމުންދިޔަ 03 އަހަރު ދުވަހުގެ މުއްދަތަށް ޖަލަށްލުމުގެ ޙުކުމާއި މުޙައްމަދު ޞާލިހް ތަންފީޛު ކުރަމުންދިޔަ 03 އަހަރު ދުވަހުގެ މުއްދަތަށްޖަލަށްލުމުގެ ޙުކުމާއި އަޙްމަދު ނާޢިމް ތަންފީޛު ކުރަމުންދިޔަ 03 އަހަރު ދުވަހުގެ މުއްދަތަށްޖަލަށްލުމުގެ ޙުކުމްވެސް ވަނީ ބާޠިލުކޮށްފައެވެ.