ޑްރަގް ކޯޓުން ފަރުވާގެ ޕްރޮގްރާމްގައި ބައިވެރިކޮށްފައިވާ އިތުރު 2 މީހަކު ފަރުވާގެ ޕްރޮގްރާމުން ވަކިކޮށްފިއެވެ. ފަރުވާ ޕްރޮގްރާމުން ވަކިކޮށްފައިވަނީ ލ.އިސްދޫ ހިޔަލީގުލްޝަން އަޙްމަދު ނަޝީދު އާއި ގދ.ރަތަފަންދޫ ޕިންކްރޯސް ޒަހުރިއްޔާ ޢަލީ އެވެ.

މީގެ ތެރެއިން އަޙްމަދު ނަޝީދުގެ މައްޗަށް ކޮށްފައިވާ ރީހެބިލިޓޭޝަން އަމުރުގައި ބަޔާންކުރެވިފައިވާ ފަރުވާގެ ޕްރޮގްރާމް ފުރިހަމަކުރުމުގެތެރޭގައި އިތުރުކުށެއް ނުކުރުމަށް އަޙްމަދު ނަޝީދުގެ މައްޗަށްކޮށްފައިވާ އަމުރާ ޚިލާފުވެ ތަކުރާރުކޮށް މީނާ ކުއްކޮށްފައިވާތީ އޭނާގެ މައްޗަށް ކޮށްފައިވާ ރީހެބިލިޓޭޝަން އަމުރު ހުއްޓާލުމަށްފަހު، އޭނާގެ މައްޗަށް ކޮށްފައިވާ 12 އަހަރުދުވަހަށް ޖަލަށްލުމުގެ ޙުކުމާއި 6 އަހަރު ދުވުހުގެ މުއްދަތަށް ޖަލަށްލުމުގެ ޙުކުމް ތަންފީޛުކުރުމަށް އަމުރުކޮށްފިއެވެ.

އަދި ޒަހުރިއްޔާ ޢަލީގެ މައްޗަށްކޮށްފައިވާ ރީހެބިލިޓޭޝަންއަމުރުގައި ބަޔާންކުރެވިފައިވާ ފަރުވާގެ ޕްރޮގްރާމް ފުރިހަމަ ކުރުމުގެ ތެރޭގައި ޒަހުރިއްޔާ ޢަލީގެ ފަރާތުން ފަރުވާއަށް އެއްބާރުލުން ދީފައިނުވާތީއާއި ފަރުވާގެ ޤަވާއިދާ ޚިލާފުވެފައިވާތީ، ފަރުވާގެ ޕްރޮގްރާމުން ޒަހުރިއްޔާ ޢަލީ ވަކިކުރުމަށް ނިންމައި އޭނާގެ މައްޗަށް ކޮށްފައިވާ 03 އަހަރުދުވަހަށް ޖަލަށްލުމުގެ ޙުކުމް ތަންފީޛު ކުރުމަށް އަމުރުކޮށްފިއެވެ.