"ޓްރޭނިންގ އެންޑް ކެޕޭސިޓީ ބިލްޑިންގ ޕްރޮގްރާމް ފޮރ ޖުޑީޝަލް ނޯމްސް" ގައި ޑްރަގްކޯޓުގެ ފަނޑިޔާރުން ބައިވެރިވެވަޑައިގެންނެވުން
- ހޯމަ, 19 ޑިސެމްބަރ 2022
ނެޝަނަލް ޖުޑީޝަލް އިންސްޓިޓިއުޓް އޮފް އިންޑިއާ އިން ކުރިއަށް ގެންދެވި "ޓްރޭނިންގ އެންޑް ކެޕޭސިޓީ ބިލްޑިންގ ޕްރޮގްރާމް ފޮރ ޖުޑީޝަލް ނޯމްސް" ގައި ޑްރަގް ކޯޓުގެ 3 ޤާޟީއަކު ވަނީ ބައިވެރިވަޑައިގެންފައެވެ. 12 ޑިސެމްބަރު 2022 އިން 16 ޑިސެމްބަރުގެ ނިޔަލަށް އިންޑިޔާގެ ބޯޕާލުގައި އޮތް މި ތަމުރީނު ޕްރޮގްރާމުގައި ކޯޓުގެ ފަރާތުން ބައިވެރިވެޑައިގަތީ އިސްޤާޟީ އަލްއުސްތާޛު ޢަބްދުއްސައްތާރު ޢަބްދުލްޙަމީދުއާއި، ޤާޟީ އައްޝައިޚް މުޙައްމަދު ނައީމުއާއި، ޤާޟީ އަލްއުސްތާޛު އާދަމް އާރިފު އެވެ.
މި ޕްރޮގްރާމުގައި، ޤާނޫނުއަސާސީއާއި، ޖިނާއީ ޤާނޫނާއި، މަދަނީ ޤާނޫނާއި، ހެއްކާބެހޭ ޤާނޫނާއި، ތިމާވެށީގެ ޤާނޫނާއި، ސައިބަރ ކުށްތަކާއި، ކޭސް މެނޭޖުމަންޓާއި، ފަނޑިޔާރުންގެ ސުލޫކާ ބެހޭ ގޮތުން، އިންޑިޔާގެ ތަޖުރިބާކާރުން މަޢުލޫމާތު ދެއްވާފައިވެއެވެ.
