އޭޕްރީލް
2014
ފަރުވާގެ ޕްރޮގްރާމު ހުއްޓާލުމުގައި ޢަމަލުކުރާ އުސޫލު މުރާޖިޢާކޮށްފި!
ކޯޓުގެ ރީހެބިލިޓޭޝަން އަމުރުގެ ދަށުން ފަރުވާގެ ޕްރޮގްރާމުތަކުގައި ބައިވެރިކޮށްފައިވާ ފަރާތްތަކުގެ ފަރުވާގެ ޕްރޮގްރާމު ހުއްޓާލުމުގައި ޢަމަލުކުރާ އުސޫލު މުރާޖިޢާކުރުމަށްފަހު މި މަހު 01 ވަނަ ދުވަހުން ފެށިގެން ޢަމަލުކުރަން ފަށައިފިއެވެ. އެ އުސޫލު މުރާޖިޢާކުރުމަށްފަހު ބަދަލު ގެނެވިފައިވަނީ ކޯޓުގެ އިސްނެގުމަކަށް ފަރުވާގެ ޕްރޮގްރާމުން މީހަކު ވަކިކުރާ ހާލަތުގައި އެ އުސޫލަށް ޢަމަލުކުރުން ލާޒިމްކަމަށް އޮންނަ އޮތުމުގެ ބަދަލުގައި، އެ ހާލަތުގައި އުސޫލަށް ޢަމަލުކުރުން ލާޒިމް ނުވާނެކަމަށެވެ.
މިގޮތަށް މި ބަދަލުގެނެވިފައިވަނީ މަސްތުވާތަކެއްޗާބެހޭ ޤާނޫނުގައި ފަރުވާއިން ވަކިކުރުމާ ގުޅޭ މާއްދާތަކުގައި ކޯޓުގެ އިސްނެގުމަށް ފަރުވާއިން ވަކިކުރާ ޙާލަތްތަކުގައި މައްސަލައާ ގުޅުން ހުރި ފަރާތްތަކަށް ފޮނުވަންޖެހޭ ނޯޓިސްފަދަ ކަންކަމުގައި ވަކި ގޮތަކަށް ޢަމަލުކުރުން ލާޒިމްކޮށްފައިނުވާތީއާއި، ކޯޓުގެ އިޖުރާއާތުތައް ލުއިކުރުމުގެ ގޮތުންނެވެ. ޢާންމު ގޮތެއްގައި ކޯޓުގެ އިސްނެގުމަށް ފަރުވާއިން ވަކިކުރާނީ، ފަރުވާގެ މުއްދަތުގައި އިތުރު ކުށްތަކަށް އަރައިގަތުމުގެ ސަބަބުންނެވެ.