1- މަސްތުވާތަކެތި ބޭނުންކުރުމުގެ ކުށުގެ ދަޢުވާ އުފުލިފައިވާ މީހުން.

2- މަސްތުވާތަކެތި ޕެޑްލްކުރުމުގެ ކުށުގެ ދަޢުވާ އުފުލިފައިވާ މީހުން.

3- މަސްތުވާތަކެތި ބޭނުންކޮށްގެން، އޭގެ ނުފޫޒުގައި ހުރެ ކޮށްފައިވާ ޖިނާއީ ކުށެއްގެ ދަޢުވާ އުފުލިފައިވާ މީހުން.

4- ޖިނާއީ ކުށެއްގެ ޙުކުމް ތަންފީޛުކުރަމުންދާ މީހުން. (މަސްތުވާތަކެއްޗާ ބެހޭ ޤާނޫނު ތަންފީޛުކުރަން ފެށި އިރު، އެ ޤާނޫނުގެ މިންގަނޑުން ބަލާ އިރު، އެމީހަކު ތަންފީޛުކުރަމުން ދަނީ މަސްތުވާތަކެތި ބޭނުން ކުރުން، ނުވަތަ ޕެޑްލް ކުރުމުގެ ކުށެއް ކަމުގައިވާ މީހުން.)

1- މަސްތުވާތަކެއްޗަށް ދެވިހިފާފައިވާ މީހެއް ކަމުގައިވުން.

2- ދަޢުވާ އުފުލިފައިވާ ކުށަށް އިޢުތިރާފުވެފައިވާ ނުވަތަ އިޢުތިރާފުވުމަށް އެއްބަސްވެފައިވާ މީހެއް ކަމުގައިވުން.

3- މަސްތުވާތަކެއްޗާބެހޭ ޤާނޫނުގެ 36 ވަނަ މާއްދާގައި ބަޔާންކުރާ ކުށެއްގެ ދަޢުވާ އެހެން ކޯޓެއްގައި އުފުލިފައިވާ މީހެއް ކަމުގައިނުވުން.

4- މަސްތުވާތަކެއްޗާބެހޭ ޤާނޫނުގައި ބަޔާންކޮށްފައިވާ ގޮތުގެމަތިން ޑްރަގް ކޯޓުގެ ފަރުވާގެ ޕްރޮގްރާމަށް ޝަރުޠު ފުރިހަމަވާ މީހެއް ކަމުގައިވުން.

1- މަސްތުވާތަކެއްޗަށް ދެވިހިފާފައިވާ މީހެއް ކަމުގައިވުން.

2- ދަޢުވާ އުފުލިފައިވާ ކުށް އޭނާ ކޮށްފައިވަނީ، މަސްތުވާތަކެތި ބޭނުންކޮށްގެން، އޭގެ ނުފޫޒުގައި ހުރެ ކަމަށްވުން.

3- ދަޢުވާ އުފުލިފައިވާ ކުށަކީ، މަސްތުވާތަކެއްޗާބެހޭ ޤާނޫނުގެ 36 ވަނަ މާއްދާގައި ބަޔާންކުރާ ކުށެއް ކަމުގައިނުވުން.

4- މަސްތުވާތަކެއްޗާބެހޭ ޤާނޫނުގެ 36 ވަނަ މާއްދާގައި ބަޔާންކުރާ ކުށެއްގެ ދަޢުވާ އެހެން ކޯޓެއްގައި އުފުލިފައިވާ މީހެއް ކަމުގައިނުވުން.

5- ދަޢުވާ އުފުލިފައިވާ ކުށަކީ، އެ ކުށް ސާބިތުވެއްޖެނަމަ، 10 (ދިހައެއް) އަހަރަށްވުރެ ދިގު މުއްދަތަކަށް ޖަލަށްލުމުގެ ނުވަތަ އަރުވާލުމުގެ އަދަބު އޭނާގެ މައްޗަށް ކަނޑައެޅިދާނެ ކުށަކަށްނުވުން.

6- ދަޢުވާ އުފުލިފައިވާ ކުށަށް އިޢުތިރާފުވެފައިވާ ނުވަތަ އިޢުތިރާފުވުމަށް އެއްބަސްވެފައިވާ މީހެއް ކަމުގައިވުން.

7- މަސްތުވާތަކެއްޗާބެހޭ ޤާނޫނުގައި ބަޔާންކޮށްފައިވާ ގޮތުގެމަތިން ޑްރަގް ކޯޓުގެ ފަރުވާގެ ޕްރޮގްރާމަށް ޝަރުޠު ފުރިހަމަވާ މީހެއް ކަމުގައިވުން.

1- މަސްތުވާތަކެއްޗަށް ދެވިހިފާފައިވާ މީހެއް ކަމުގައިވުން.

2- ތަންފީޛުކުރަމުންދާ ޙުކުމް ނިސްބަތްވާ ކުށަކީ، މަސްތުވާތަކެތި ބޭނުންކުރުމުގެ ކުށް ނުވަތަ މަސްތުވާތަކެތި ޕެޑްލްކުރުމުގެ ކުށް ކަމުގައިވުން؛ ނުވަތަ

3- އެއް ޙުކުމަށްވުރެ ގިނަ ޙުކުމް އޭނާގެ މައްޗަށް ކުރެވިފައިވާ މީހެއް ކަމަށްވެފައި، އޭނާ އެހިނދު ތަންފީޛުކުރަމުންދާ ޙުކުމަކީ، މަސްތުވާތަކެތި ބޭނުންކުރުމުގެ ނުވަތަ މަސްތުވާތަކެތި

4- ތަންފީޛުކުރަމުންދާ ޙުކުމް ނިސްބަތްވާ ކުށަކީ، މަސްތުވާތަކެއްޗާބެހޭ ޤާނޫނުގެ 36 ވަނަ މާއްދާގައި ބަޔާންކުރާ ކުށެއް ކަމުގައިނުވުން.

5- މަސްތުވާތަކެއްޗާބެހޭ ޤާނޫނުގެ 36 ވަނަ މާއްދާގައި ބަޔާންކުރާ ކުށެއްގެ ދަޢުވާ އެހެން ކޯޓެއްގައި އުފުލިފައިވާ މީހެއް ކަމުގައިނުވުން.

6- ޑްރަގް ކޯޓުގެ ފަރުވާގެ ޕްރޮގްރާމަށް ޝަރުޠު ފުރިހަމަވާ މީހެއް ކަމުގައިވުން.

ތިރީގައި އެވާ ކުށްކުށުގެ ތެރެއިން ކުށެއް ކުރުން، ނުވަތަ އެއިން ކުށެއް ކުރުމުގައި ބައިވެރިވުން، ނުވަތަ އެއިން ކުށެއް ކުރުމުގައި އެހީތެރިވެދިނުމުގެ ދަޢުވާ އުފުލިފައިވާ މީހުންނާއި، އެއިން ކުށެއް ސާބިތުވެ، ޙުކުމް ތަންފީޛުކޮށް ނިމިފައި ނުވާ މީހުންގެ މައްޗަށް ޑްރަގް ކޯޓުގެ އިޚްތިޞާޞެއް ނުހިނގާނެއެވެ.

މީހަކު މެރުން، ނުވަތަ ޓެރަރިޒަމް، ނުވަތަ ޤާނޫނު ނަންބަރު 2009/12 (ކުޑަކުދިންނަށް ޖިންސީ ގޯނާކުރާ މީހުންނާމެދު ޚާއްޞަ އުސޫލުތަކަކަށް ޢަމަލުކުރުމުގެ ޤާނޫނު) ގައި ކަނޑައަޅާފައިވާ ކުށް، ނުވަތަ މަސްތުވާތަކެތި ޓްރެފިކްކުރުން، ނުވަތަ ގަދަކަމުން ބަދުއަޚްލާޤީ ޢަމަލު ހިންގުން.

މަސްތުވާތަކެއްޗާ ބެހޭ ޤާނޫނަށް ބަލާ އިރު، ޑްރަގް ކޯޓުގެ އިޚްތިޞާޞް ހިނގާ ކުށެއް، ޢުމުރުން 18 އަހަރު ނުފުރޭ ކުޑަކުއްޖަކު ކުރި ނަމަ ވެސް، އެ ކުށުގެ ދަޢުވާ ބެލުމުގެ އިޚްތިޞާޞު ލިބިގެންވަނީ ޑްރަގް ކޯޓަށެވެ. މަސްތުވާތަކެއްޗާ ބެހޭ ޤާނޫނުގެ ފަހުން ތަންފީޛުކުރަން ފެށުނު، ޤާނޫނު ނަންބަރު: 2019/18 (ކުޑަކުދިންގެ ޢަދުލުގެ ޤާނޫނު) 21 ވަނަ މާއްދާގެ (ށ) ގައި ވެސް، މިކަން އިތުރަށް ކަށަވަރު ކޮށްދީފައި ވެއެވެ.

ކުޑަކުދިންގެ މައްސަލަތައް ކުރިއަށް ގެންދިޔުމުގައި، އެފަދަ މައްސަލަތަކާ ގުޅޭ ގޮތުން ޤާނޫނުގައި ކަނޑައަޅައިދީފައިވާ ހުރިހާ ޙައްޤުތަކަކާއި ޢިނާޔަތްތަކެއް ލިބިދެވޭ ކަން ކޯޓުން ކަށަވަރު ކުރާނެއެވެ.