ޑްރަގް ކޯޓުގެ ފަރުވާގެ ޕްރޮގްރާމު ސަތޭކަ އެއް މީހަކު އިއްޔެގެ ނިޔަލަށް ފުރިހަމަކޮށްފިއެވެ. މި މީހުންގެ ތެރޭގައި ހިމެނެނީ ނޭޝަނަލް ޑްރަގް އެޖެންސީގެ ފަރާތުން ހުށަހަޅާފައިވާ މަސްތުވާތަކެއްޗާބެހޭ ޤާނޫނަށް ޢަމަލުކުރަން ފެށުމުގެ ކުރިން ޖިނާއީ ޙުކުމެއް ތަންފީޛުކުރަމުން ދިޔަ 36 މީހުންނާއި،

މަސްތުވާތަކެއްޗާބެހޭ ޤާނޫނުގެ 33 ވަނަ މާއްދާގެ ދަށުން ކްރިމިނަލް ކޯޓުން ޑްރަގް ކޯޓަށް ތަޙްވީލުކުރެވުނު 48 މީހުންނާއި، ދައުލަތުގެ ފަރާތުން (ޕްރޮސިކިއުޓަރ ޖެނެރަލްގެ އޮފީހުން) ޑްރަގް ކޯޓުގައި ދަޢުވާކުރި 17 މީހުންނެވެ. މި ޢަދަދަށް ފަރުވާ ފުރިހަމަކުރިއިރު، 37 މީހަކުވަނީ އެކި ސަބަބުތަކާހުރެ ފަރުވާގެ ޕްރޮގްރާމުން ވަކިކޮށް ޑްރަގް ކޯޓުން އެމީހުންގެ މައްޗަށް ކޮށްފައިވާ ޙުކުމް ތަންފީޛުކުރުމަށް މޯލްޑިވްސް ކަރެކްޝަނަލް ސަރވިސްއާ ޙަވާލުކުރެވިފައެވެ. ފަރުވާފުރިހަމަކުރި މީހުންނާއެކު މިހައިތަނަށް 524 މީހުންގެ މައްޗަށް ކޯޓުން ރީހެބިލިޓޭޝަން އަމުރުކޮށްފައިވެއެވެ.