ޑްރަގް ކޯޓުން ފަރުވާގެ ޕްރޮގްރާމުގައި ބައިވެރިކޮށްފައިވާ އިތުރު ތިން މީހަކު ފަރުވާގެ ޕްރޮގްރާމުން ވަކިކޮށްފިއެވެ. ފަރުވާގެ ޕްރޮގްރާމުން ވަކިކޮށްފައިވަނީ ކ.މާލެ، މ.ދިރިހަނޑޫގެ އަޙްމަދު ނާއިފް އާއި ދަފްތަރު ނަންބަރު 786 މަޢުޖޫދު ރިޔާޟް އާއި ކ.މާލެ، މއ.އާދިއްޕަރު އަޙްމަދު ޠާރިޤެވެ.

މި ތިންމީހުން ފަރުވާ ޕްރޮގްރާމް ފުރިހަމަކުރުމުގެ ތެރޭގައި އެމީހުންގެ މައްޗަށް ކުރެވުނު ތުހުމަތުތަކާ ގުޅިގެން ދެ ފަހަރަށްވުރެ ގިނައިން ޕޮލިސް ސަރވިސްގެ ބެލުމުގެދަށަށް ކުށެއްގެ ތުހުމަތުގައި ގެންގޮސް ހައްޔަރުކޮށްފައިވުމަކީ 'ޝަރުތުތަކުގެ ގަވާއިދުގެ 9 ވަނަ މާއްދާގެ (ހ) ގައި ބަޔާންކޮށްފައިވާ ގޮތުގެ މަތިން ކުށެއް ކުރުން ކަމުގައި ވާތީ، އެމީހުންގެ މައްޗަށް ކުރެވުނު ރީހެބިލިޓޭޝަން އަމުރުގައި އިތުރުކުށެއް ނުކުރުމަށް ކޮށްފައިވާ ޝަރުޠާއި ޚިލާފްވެއްޖެކަމަށް ކަނޑައަޅައި އެމީހުންގެ މައްޗަށް ކޮށްފައިވާ ފުރަތަމަ ޙުކުމް ތަންފީޛު ކުރަން އަމުރު ކޮށްފިއެވެ.