ޏ.ފުވައްމުލަކުގައި ޤާއިމު ކުރެވިފައިވާ ޑްރަގް ޓްރީޓްމެންޓް އެންޑް ޑިޓޮކްސިފިކޭޝަން ސެންޓަރުގައި ފަރުވާ ހޯދަމުންދާ މީހުންގެ ފަރުވާގެ ޕްރޮގްރާމުތައް ހިނގާ ގޮތް ބެލުމަށްޓަކައި، އެ ސެންޓަރަށް ޑްރަގް ކޯޓުގެ ފަރާތުން ޒިޔާރަތްކޮށްފިއެވެ.

ފަރުވާގެ ޕްރޮގްރާމުތައް ހިނގަމުންދާ ގޮތް ބެލުމުގައި ޏ.ފުވައްމުލަކުގައި 7 ސެޕްޓެމްބަރ 2015 އިން 10 ސެޕްޓެމްބަރ 2015 އާ ހަމައަށް ކޯޓުގެ ދެ ފަނޑިޔާރުންނާއި އެޑްމިނިސްޓްރޭޓިވް އޮފިސަރަކާއި ކޯޓު އޮފިސަރެއް ޙަރަކާތްތެރިވެވަޑައިގަތެވެ.

މި މުއްދަތުގައި ފަރުވާދޭ މަރުކަޒުގައި މަސައްކަތް ކުރާ އިސްވެރިންނާއި، މުވައްޒަފުންނާއި، ފަރުވާ ހޯދާ މީހުންނާ ސުވާލުކޮށްގެން މަޢުލޫމާތު ހޯދައި، ފަރުވާދޭ މަރުކަޒުގެ ކަންކަން އިންތިޒާމު ކުރެވިފައިވާ ގޮތް ބަލައި ދިރާސާ ކުރެވިފައިވެއެވެ.