ޤާނޫނު ނަންބަރު 17/2011 (މަސްތުވާތަކެއްޗާބެހޭ ޤާނޫނު) ގެ 96 ވަނަ މާއްދާގައި ބަޔާންކޮށްފައިވާ ގޮތުގެ މަތިން ފަރުވާގެ ކަންކަން ހިނގާ ނުހިނގާ ބެލުމަށް، ޑްރަގް ކޯޓުގެ ޤާޟީންނާއި، މުވައްޒަފުންގެ ޓީމެއް 3 އޮކްޓޯބަރ 2023 އިން 7 އޮކްޓޯބަރ 2023 އަށް އައްޑުއަތޮޅުގެ ފަރުވާދޭ މަރުކަޒުތަކަށް އަދި 25 އޮކްޓޯބަރ 2023 އިން 28 އޮކްޓޯބަރ 2023 އަށް ފުވައްމުލަކުގެ ފަރުވާދޭ މަރުކަޒަށް ވަނީ ޒިޔާރަތް ކޮށްފައެވެ.

މިގޮތުން ސ.ހުޅުމީދޫގައި ގާއިމްކުރެވިފައިވާ ވިލުނު ކޮމިއުނިޓީ ރީހެބިލިޓޭޝަން ސެންޓަރާއި ސ.ހިތަދޫ ގައި ގާއިމުކުރެވިފައިވާ ޑްރަގް ޑިޓޮކްސިފިކޭޝަން އެންޑް ކޮމިޔުނިޓީ ރީހެބިލިޓޭޝަން ސެންޓަރުގެ އިތުރުން ފުވައްމުލަކުގައި  ޑްރަގް ޑިޓޮކްސިފިކޭޝަން އެންޑް ކޮމިޔުނިޓީ ރީހެބިލިޓޭޝަން ސެންޓަރު ހިމެނެއެވެ.

މި ޒިޔާރަތްތަކުގައި، ޑްރަގް ކޯޓުގެ ފަރާތުން ރީހެބިލިޓޭޝަން ސެންޓަރުތަކުގެ މުވައްޒަފުންނާ ބައްދަލުކޮށް، ފަރުވާ ދިނުމުގައި ކުރިމަތިވާ މައްސަލަތަކާއި، ރަނގަޅުކުރަން ހުރި ކަންކަމާ މެދު މަޝްވަރާ ކުރެވިފައިވެއެވެ. މީގެ އިތުރުން، ފަރުވާ ހޯދަމުންދާ ފަރާތްތަކާ ބައްދަލުކޮށް، އެފަރާތްތަކުގެ ފަރުވާގެ ކަންތައްތައް ކުރިއަށްދާ ގޮތް ބަލާފައިވެއެވެ.