ޑްރަގް ކޯޓަށް ހުށަހެޅޭ މައްސަލަތަކުގައި ހިމެނޭ މީހުން ފުލުހުންގެ ހައްޔަރުގައި ތިބިކަން ނުވަތަ ނޫންކަން ބެލުމަށާއި، ޑްރަގް ކޯޓުން އިތުރު ކުށެއް ނުކުރުމަށް އަމުރުކުރެވޭ މީހުން މޯލްޑިވްސް ޕޮލިސް ސަރވިސްގެ ބެލުމުގެ ދަށަށް ގެނެވިއްޖެނަމަ ވަގުތުން އެ މަޢުލޫމާތު ޑްރަގް ކޯޓާއި ހިއްސާކުރުމަށް ފުލުހުންނާއި ޑްރަގް ކޯޓާދެމެދު ވެބް ޕޯޓަލްއެއް ގާއިމުކޮށް އޭގެ ޚިދުމަތް މިއަދު ފަށައިފިއެވެ.

މި ޚިދުމަތް ފެށުމުގެ ގޮތުން ޑްރަގް ކޯޓުގެ މުވައްޒަފުންނަށް މޯލްޑިވްސް ޕޮލިސް ސަރވިސްގެ ފަރާތުން މިއަދުވަނީ ކުރު ތަމްރީނު ޕްރޮގްރާމެއް ކުރިއަށް ގެންގޮސްފައެވެ.

ޑްރަގް ކޯޓުގެ މަޝްވަރާގެ މަތިން ފުލުހުން ގާއިމުކުރި މި ވެބް ޕޯޓަލްގެ ސަބަބުން ކޯޓުގެ މަސައްކަތް އިހުނަށްވުރެ ހަލުއިވެގެންދާނެއެވެ. މިއީ ޝަރުޢީ ކޯޓަކާއި، ފުލުހުންނާދެމެދު ގާއިމުކުރެވުނު މިފަދަ ފުރަތަމަ ވެބް ޕޯޓަލެވެ.