ނޭޝަނަލް ޑްރަގް އޭޖެންސީ މެދުވެރިކޮށް މިކޯޓަށްހުށައެޅުނު މައްސަލައެއްގެދަށުން މިކޯޓުގެ ފަރުވާގެ ޕްރޮގްރާމް ފުރިހަމަ ކުރަމުންދިޔަ ފަރާތެއްކަމުގައިވާ ކ.މާލެ،
މއ ޒެނާނާ / ޢަލީ ޖަޢުފަރު ފަރުވާގެ ޕްރޮގްރާމުން މިއަދު ވަކިކުރެވިއްޖެއެވެ. ފަރުވާގެ ޕްރޮގްރާމުން ޢަލީ ޖަޢުފަރު ވަކިކުރެވިފައިވަނީ ރިހެބިލިޓޭޝަން އަމުރާ ޚިލާފުވުމުގެ ސަބަބުންނެވެ. ރިހެބިލިޓޭޝަން އަމުރާއި ޚިލާފަށް ޢަލީޖަޢުފަރު ވަނީ ފަރުވާގެ ޕްރޮގްރާމް ފުރިހަމަ ކުރުމުގެ ތެރޭގައި ސޮއި ކުރަންޖެހޭ އިންޒާރުގެ ލިޔުމެއްގައި ސޮއިކުރުމަށް އިންކާރުކޮށް، ފަރުވާއަށް އެއްބާރުލުން ނުދީ، ފަރުވާދޭ މަރުކަޒު ހިންގުމުގެ ގަވާއިދާ ޚިލާފުވެފައެވެ.
ޢަލީ ޖަޢުފަރުގެ ފަރުވާގެ ޕްރޮގްރާމް ހުއްޓާލުމާއެކު، ޑްރަގް ކޯޓުގެ ނަންބަރު 07/DC/2013 ޤަޟިއްޔާގައި އޭނާގެ މައްޗަށް ކޮށްފައިވާ ފުރަމަތަ ޙުކުމް ތަންފީޛުކުރުމަށްޓަކައި މިހާރުވަނީ ޑިޕާޓްމަންޓް އޮފް ޕެނިޓެންޝަރީ އެންޑް ރީހެބިލިޓޭޝަން ސަރވިސަސްއާ ޙަވާލުކުރެވިފައެވެ. ފުރަތަމަ ޙުކުމުގެ ގޮތުން ޢަލީ ޖަޢުފަރު ތަންފީޛުކުރަމުންދިޔަ ދެ ޙުކުމެއް ތަންފީޛުކުރުން ފަސްކުރެވިފައިވެއެވެ. އެ ދެ ޙުކުމުގެ ދަށުން އޭނާ މުޅިއެކު 18 އަހަރު ޖަލުގައި ޙުކުމް ތަންފީޛުކުރަންޖެހޭނެއެވެ. ޢަލީ ޖައުފަރު ފަރުވާ ފުރިހަމަކުރިނަމަ، މި ޙުކުމްތަކަކީ މަސްތުވާތަކެއްޗާބެހޭ ޤާނޫނުގެ 85 ވަނަ މާއްދާގެ ދަށުން ބާޠިލްކުރެވޭނެ ޙުކުމްތަކެކެވެ.